Ана тілі. Сабақтың тақырыбы: Қазақстан – Республикам менің. 72, 73 – жаттығу.
Сабақтың мақсаты:
Білімділік: Қазақстан Республикасы туралы айтып өту, түсіндіру. Тасымал туралы түсінік беру, білімдерін кеңейту.
Тәрбиелік: Оқушыларды Отан сүйгіштікке, адамгершілікке, елінің Туын, Елтаңбасын; Әнұранын қастерлеуге, халқының тарихын білуге тәрбиелеу.
Дамытушылық: Сөздік қорларын молайту, танымдық, ізденімпаздық қасиеттерін қалыптастыру, шығармашылыққа баулу, өз ойын еркін жеткізуге дағдыландыру.
Сабақтың көрнекілігі: Қазақстан Рәміздері, картасы Елтаңбасының портреті, Төлеген, Мәншүктің портреттері, Абай Құнанбаевтың, Сәкен Сейфуллиннің портреті, тапсырмалар.
Сабақтың түрі: Интерактивті сабақ түрі.
«Білім шыңына»саяхат.
Сабақтың әдіс – тәсілдері:
Түсіндіру, сұрақ – жауап, шығармашылық жұмыс, СТО технологиясы.
Пәнаралық байланыс: Дүниетану, музыка.
Отан деген қалай түсінесіңдер?
Сабақтың барысы:
І. Ұйымдастыру кезеңі.
«Білім шыңына»саяхат.
І – баспалдақ. Үй тапсырмасын сұрау.
Ұранымыз: «Ойымызды ашайық, алға қарай басайық».
ІІ – баспалдақ. Жаңа сабақ.
Ұранымыз: «Ой қозғайық шаршамайық». Сергіту сәті.
ІІІ – баспалдақ: Дәптермен жұмыс. Шығармашылық тапсырма.
Ұранымыз: «Біліммен шыңдалайық».
ІV – баспалдақ: Қорытындылау.
ІІ. Үй тапсырмасын сұрау.
1) «Отан» өлеңін жатқа сұрау.
2) Сұрақ – жауап.
– Балалар Отан деген не?
– Отан дегеніміз біздің еліміз, туып өскен жеріміз, ата – ана, ауылымыз. т. б.
Біздің Отанымыз – Қазақстан Республикасы деп аталады.
ІІІ. Жаңа сабақ:
1. Кіріспе.
Қазақстан – Тәуелсіз көп ұлтты Мемлекет. Біздің Елордамыз – Астана қаласы.
Қазақстан Республикасының Мемлекеттік тілі – Қазақ тілі.
Қазақстан Республикасы Мемлекеттік рәміздері: Ту, Елтаңба, Әнұран.
2. Сұрақ – жауап.
1)- Қазақстан Республикасының Президенті кім?
– ҚР Президенті Нұрсұлтан Әбішұлы Назарбаев.
2) Республикамыздың қандай рәміздері бар?
3) Тудың түсі қандай?
4) Бас қала қай қала?
– Бас қала – Астана қаласы.
3) Оқулықпен жұмыс 85 – бет.
1. Өлеңді тыңдату.
2. Оқушыларға тізбектей оқыту.
3. Өлеңге талдау жұмыстарын жүргізу.
А) Осы өлеңде қандай есімдер аталған?
Төлеген, Мәншүк – Отанымызды жаулардан қорғаған Батыр жауынгер ұлы мен қызы.
Абай Құнанбаев – ұлы данышпан, дана. дара тұлға. Сәкен Сейфуллин – жазушы, сұлулықты жырлаған асқақ ақын.
Сергіту сәті.
Таудың тасында дем аламыз. «Ойыны».
Тауға шықтым өрмелеп,
Шаршап талай бөгелдім.
Жан – жағыма мен кенет,
Қарап едім не көрдім?
Балалар: Аспан, Күн, тас, гүл, құз, құстың ұясы т. б.
ІІІ. Дәптермен жұмыс.
Тасымал ережесін сұрау, мысал келтіру.
72 – жаттығу.
Үлгі: Құ – ры – лыс – шы – лар
1) Құ – рылысшылар
2) Құры – лысшылар
3) Құрылыс – шылар
4) Құрылысшы – лар
Шығармашылық тапсырма.
Керекті сөздерді пайдалана отырып, Сөйлемдерді толықтыру.
1) Қазақстан Республикасының Туында… бейнеленген.
2) Оның астында қалықтап ұшқан… көрінеді.
3) Күн, шұғыла және қыран бейнесі… түсті.
IV. Қорытынды:
– Балалар сендер елімізге, жерімізге қандай тілек білдіріп едіңдер?
– Елімізде тыныштық болсын!
– Еліміз бай болсын!
– Соғыс апаты болмасын!
– Бейбітшілік болсын!
Бағалау, мадақтау. Үйге: 85 – бет жаттау.
73 – жаттығу.
Қазақстан Республикасы бастауыш отан сөзді дұрыс тасымалдау қазақ тілі
© Дереккөзі
