Connect with us

Бәрі туралы

Бастауыш сынып

Қысқы өрнектер

Қысқы өрнектер
Бейнелеу өнері 1 – сынып

Сабақтың тақырыбы: Қысқы өрнектер.
Сабақтың мақсаты:
Білімділік: Оқушыларға қыс мезгілі туралы мағлұмат бере отырып, табиғат ерекшеліктерімен таныстыру.
Тәрбиешілік: Қоршаған ортаның тылсым сырларына қызықтыру арқылы туған елінің табиғатын сүйе білуге тәрбиелеу.
Дамытушылық: Оқушылардың сөздік қорын, ойын көз алдына елестету және шығармашылық қабілетін арттыру.
Сабақтың типі: Жаңа сабақ
Сабақтың түрі: Аралас
Сабақтың әдісі: Түсіндірмелі, сұрақ – жауап, тестілеу, INSERT әдісі
Көрнекілігі: Компюьтер, интерактивті тақта, презентация, суреттер, плакаттар,
Сабақтың барысы:

І. Қызығушылығын ояту
1. Сабаққа дайындық. Сынып тазалығына қарау. Оқушылардың құрал – жабдықтарын түгелдеу. Оқушылардың назарын сабаққа аудару.

2. Өткен сабақты қайталау. Сұрақтар: Түстер түрлері қандай? Негізгі түстер қандай? Жылы түстер қайсысы? Суық түстер қайсысы? Композиция дегеніміз не?

3. Тақырыпқа кіріспе. Төрт жыл мезгілінің суреттерін көрсетемін. Балалар суретке қарап өздері ажыратады.
Оқушыларға тақтадан жұмбақ жасырылады.
Жерге көрпе жазылды.
Қаймақтанды су беті,
Терезеге салынды.
Талай гүлдің суреті. / Қыс/
Суретшілер туындыларымен танысу Қастеев, Левитан т. б
– Балалар, сіздерге қыс мезгілі ұнай ма?
– Қыста қандай мерекелер бар? Тәуелсіздік мерекесі, Жаңа жыл. 16 – желтоқсан Қазақстан Республикасының егемендік алған күні. Ал 1 – қаңтарда Дүниежүзі Жаңа жылды қарсы алады.
– Жаңа жыл мерекесі ұнайма? Несімен? Иа, көп сыйлықтар аламыз.
– Ал, сыйлықты бізге кім әкеледі? Аяз Ата.
– Жаңа жылға аз ғана уақыт қалды. Сонау алыстан Аяз Ата бізге қалай келер екен? Сыйлық әзірлеп жатырма екен? Интернеттен халын сұрайық. /Презентациядан Аяз атаны көру/.
– Балалар, Жаңа жыл болып, аяз Ата бізге тез келуі үшін жеге қарды көп – көп жаудырып, шана жүруге жағдай жасаймыз. Жаңа жылдық шыршамызды дайындаймыз. Ол үшін сіздер әр сұрақ, тапсырмаларды неғұрлым тез, дұрыс орындасақ, соғұрлым қарларды көп жинап, шыршамыз да құрылады. Аяз ата жеткен соң сіздерге алғысын білдіріп, сыйлығын үлестіреді. Дайынбыз ба?
– Ойыншық, жеміс, тәтті бар. Алатын қане, кімдер бар? Тектен – текке бермеймін, Білімдеріңді тергеймін. Кім көп білсе сол алар, Рахатын сол табар. Босқа қарап қалмаңдар. Сараптаңдар білімді, Қалмай тағы тынбаңдар.
– Қыс мезгілінде қандай өзгерістер болады екен? Сипаттап беріңдер./Күн суытады. Жерге қырау түсіп, қар жауады. Су мұз болады. Айнала аппақ түске боялады. Терезеге аяз шимайлап сурет салады./
Қыс несімен ұнамсыз
Күн суық.
Дауыл тұрады, аяз үсіреді.
Мұз қауіпті.

Қыс несімен ұнайды
Айнала аппақ.
Ауа, жер таза.
Шанамен сырғанаймыз.

ІІ. Мағынаны тану.
1. Тапсырма. Аяз салған өрнекті бейнелеу. Өрнек түрлерімен таныстырамын. Салыну жолдарын түсіндіремін. Қалауынша өрнек салу.
2. тестілеу түрлері. І. Балама жауаптары бар тест.
1. Негізгі түстер – үшеу. а/иә б/жоқ
2. Сары – жылы түс а/ иә б/жоқ
3. Көк – жылы түс а/иә б/жоқ

ІІ. Таңдамалы тест.
1. Мамықтай ұлпа, қанттай аппақ. Қыста жер бетін басады, Жазда сайға қашады. а/ қар ә/мұз б/ су.
2. Табаныма байладым. Қос таяқпен айдадым. а/таяқ ә/шаңғы б/ шана
3. Аяғы жоқ, жүреді. Қолы жоқ, сурет салады. а/қар ә/ аяз б/кітап.

ІІІ. Толықтыруды қажет ететін тест.
1. Тікен – тікен тік пісте. Қысы – жазы бір ————.
2.. Ақыл азбайтын тон. Білім таусылмайтын ———-.
3. Желтоқсан, қаңтар, ақпан, бұлар қыс ———-.
3. Сергіту сәті. Қол – аяқты қимылдату.

Қар жауады жапалақтап,
Балалар жүр шапалақтап.
Аяз беттен сүйеді,
Балалар тон киеді.

ІV. Нәтиже.
1. Сұрақ – жауап
1. Қыс мезгілінде ауа райы қалай өзгереді?
2. Қысқы спорт ойындарының түрлерін ата?
3. Медеу мұз айдыны қай қалада?
2. Жаңа сабақты бекіту. INSERT әдісі
Білемін
Жылы, суық түстерді, жыл мезгілдерін, қызықтарын, сипатын
Білдім
Суретшілер туындыларын, терезедегі аяз түрлерін жазықтықта бейнелеуді, түстерді пайдалануды
Білгім келеді
Қыс мезгілі қызықтарын басқа техникамен салыну жолдарын.
Шыршаға жұлдыз орнатамыз. Қарларды санаймыз.
3. Жинаған қарларға және дәптерге салған аяз бейнесіне қарап, ортақ баға қоямыз
Аяз атаны қабылдап, сыйлығын аламыз.
4 Үйге тапсырма Қыс мезгілін бейнелеп келу.
– Бүгін дәптердегі терезені аязша әдемілеп безендірдіңдер. Болашақта әдемілік пен әсемдікті бойына дарытқан, эстетикалық көзқарасы қалыптасқан азамат болып өсіңдер Сабағымыз аяқталды.


Қысқы өрнектер ашық сабақ бейнелу өнері 1 сынып

© Дереккөзі

Continue Reading
Ұқсас тақырыптар...
To Top