Connect with us

Бәрі туралы

Бастауыш сынып

Ә. Нұрмаханова «Шығыс шынары»

Әдебиеттік оқу 4 сынып
Қысқа мерзімді жоспар
Сабақ тақырыбы: Ә. Нұрмаханова «Шығыс шынары»
Осы сабақта қол жеткізілетін оқу мақсаттары (оқу бағдарламасына сілтеме): Ә. Нұрмаханованың «Шығыс шынары» әңгімесімен таныстыру. Сұрапыл соғыс кезінде ерлік үшін қаза болған тұлғаларды ардақтауға баулу.

Құндылықтарды дарыту
Өзіне сенімді болу, жауапкершілікті сезіну, білім алуға ұмтылу.
Мәңгілік Ел патриоттық актісі.
Құндылық: Мәңгілік Ел, бұл – Жалпыұлттық бірлік, бейбітшілік пен келісім.
Біздің Отанымыз бір, ол – Тәуелсіз Қазақстан, біздің еліміз бір – тағдырымыз ортақ.
Бейбітшілік пен келісімнің ұлы ісіне адал халықтың ғұмыры мыңжылдықтарға жалғасады.
Пәнаралық байланыстар: Математика, қазақ тілі, дүниетану, денешынықтыру
АКТ қолдану дағдылары: Интербелсенді тақта, слайд
Алдыңғы меңгерілген білім: Ұлы Отан соғысы туралы мәліметтерді және Қазақстандық батырлар туралы біледі.

Кіріспе
Сабақтың басы
І. Шаттық шеңбері
Шеңбер болып тұрайық жылы жүзбен,
Бізге келсін қуаныш нұр іздеген.
Шуақ толы жанымыз жүрегіміз,
Үлгі алсын көрген жан мына бізден.

ІІ. Топқа бөлу.
І топ «Мергендер»
ІІ топ «Атқыштар»
ІІІ топ «Барлаушылар»
ІҮ топ «Жауынгерлер»
ІІІ. Топ мүшелерін сайлау.
– Әр топ өз ішінен топ басшысын сайлап, ол топтың хатшысын, уақыт шектеушіні тағайындады.
ІҮ. Топтың ережесін құру
Суреттерге қарап топ ережесін шығару

Ү. Өткен сабақты пысықтау.
«Мен соғысты жек көрем» өлеңді жатқа сұрау.

ҮІ. «Серпілген сауал» әдісі.
1. Адам жанын дүр сілкіндірген соғыстың ұлтына, еліне жеріне қарамастан өте қауіпті екенін өлеңнің қай жерінен байқадың?
2. Ақын соғысқа деген жиіркенішті білдіріпті.
3. Соғыстың адамзат баласына әсері қандай болды?
Оқушылар өз ойларын қорғап, түйін жасап, мадақталады әрі бағаланады.

Жаңа сабақ
Сабақ ортасы
Ой қозғау
– Ұлы Отан соғысының аяқталуына биыл неше жыл толады?
– Ұлы Отан соғысы жылдарындағы қандай батырларды білеміз?
– Қазақтың қос жұлдызы жайлы не білесің?
– Олар туралы қандай өлең оқыдық?

«Сиқырлы сандар» ойыны.
Ойынның мақсаты: жылдам есептер шығару арқылы жаңа тақырыпты ашу.
Ойынның шарты: жылдам есептер шығару арқылы сиқырлы сандарды әріптерге айналдыру. Кесте көмегімен әріптерден сөз құрау. Сонда біздің бүгінгі сабағымыздың басты кейіпкерінің аты шығады.
52+(6*8)=100 ( Я )
74 – 50/10=69 ( Ә )
53+5*9=98 ( И )
72/9+8=16 ( Л )

69 16 98 100
Ә — Л — И — Я
– Бүгінгі сабағымызда Әзиза Нұрмаханованың « Шығыс шынары» әңгімесімен танысамыз.
Сабақтың мақсаты: Ұлы Отан соғысы жылдарындағы елі үшін жанын қиған, қазақ халқының қайсар қызы Ә. Молдағұлованың ерлігін дәріптеу.
«Тұлғаны таны» әдісі арқылы мәтін авторы және кейіпкер жайлы мәлімет беру
Оқулықпен жұмыс:
«Шығыс шынары» мәтіні

«Дауыстап ойлау» әдісі оқи отырып ой түю, ой бөлісу.
Мәтінді бірнеше бөліктерге бөлу. Топта отырып берілген бөлікті біреуі дауыстап оқиды, қалғандары тыңдай отырып ой түйеді. Бір – біріне түсіндіреді, мазмұны қысқа әрі нұсқа сұралады.
«Мәтінмен жұмыс»
Тапсырмалар:
• әр бөлікке атау беру;
• әр бөліктің негізгі ойын білдіретін сөйлемдерді анықтау;
• кейіпкерді сипаттайтын сөз, сөз тіркесі, сөйлемдерді табу;
• мәтіндегі барлық кейіпкерлерді кезегімен атап беру;
• мәтіндегі оқиға орын алған жерлерді атау;
• мәтінді аяқтаудың нұсқасын ұсыну.
Топтық жұмыс:
«Қарама қарсы сұрақтар» әдісі.
Мақсаты: Топтар бір – біріне сұрақтар береді. Қойылған сұраққа жауап іздеп, дәлелдеуге тырысады. Қысқа әрі нұсқа жауап қайтаруға жұмыстанады.

Мұғалімнің аты-жөні: Шонаева К.
Ә. Нұрмаханова «Шығыс шынары» жүктеу


Ә. Нұрмаханова шығыс шынары ұлы отан соғысы соғыс туралы сабақ жоспары

© Дереккөзі

To Top