Гауһар…… Гүлшаш
ГАУҺАР – иран тілінен алынған гауһар — қымбат бағалы тас, маржан, інжу. Түрі – Жаухар.
ГАЯНА – грек тілінен — жерге тән, жерден шыққан.
ГҮЛАЖАР – көркі гүлдей жайнаған қыз.
ГҮЛАЙ – қазақ есімі — гүлдей сұлу, айдай көркем қыз.
ГҮЛАЙЫМ – иран тілінен — гүлдей сұлу менің гүлім, айым.
ГҮЛБАНАТ – тәжік тілінен – қыздардың гүлі, сұлуы, әдемісі.
ГҮЛБАНУ – тәжік тілінен — гүл жайнаған қыз, сүйкімді бойжеткен.
ГҮЛБАРАШ – иран тілінен алынған гүлбара — сұлу, көркем, яғни гүлдей сұлу, әдемі, көркем. Түрі — Гүлбаршын.
ГҮЛБАХРАМ – араб тілінен — көктем гүлі. Еркелету түрі — Гүлпаш. Күлпаш.
ГҮЛБОЛСЫН – тәжік тілінен алынған гүл + қазақ сөзі болсын, яғни гүлдей жайнасын, гүл сияқты әдемі, көркем болсын деп қойылған есім.
ГҮЛҒАЙША – тәжік тілінен алынған гүл + ғайша — Айша, яғни гүл жайнаған Айша.
ГҮЛДАНА – тәжік тілінен — сұлу дана, данышпан, білгір. Түрі — Күлдана.
ГҮЛЖАМАЛ – араб тілінен алынған жамал — сұлулық, көркемдік. Яғни, гүлдей сұлу, нұрлы, әдемі. Түрлері – Гүлжан, Гүлжанат, Өзгерген түрі — Күлжанат.
ГҮЛЖӘМИЛА – иран және араб тілдерінен алынған жәмила – көркем, әдемі. Гүл сияқты көркем, ажары гүлдей.
ГҮЛЖЕҢІС – жеңістің гүлі. Ұлы Отан соғысының жеңісі күні туған қыз балаға осындай есім қойылған. Синонимі — Жеңісгүл.
ГҮЛЗАРИФА – иран тілінен алынған зариф — нәзік, жіңішке, яғни гүлдей нәзік, көркем, сұлу.
ГҮЛЗИПА – зипа иран тілінен алынған зебо — сұлу, көркем, тамаша, өте керемет, яғни гүлдей көркем, сұлу қыз. Өзгерген түрі – Күлзипа.
ГҮЛМАРИЯ – иран тілінен алынған гүл + көне еврей тілінен Мария, яғни сұлу Мария.
ГҮЛМИРА – иран тілінен алынған гүл + орыс тілінен мир (а) – бейбітшілік, тыныштық яғни бейбітшілік, тыныштық гүлі. Синонимі — Бейбітгүл.
ГҮЛНАЗ – иран тілінен алынған ноз — еркелік, наздық, яғни гүлдей құлпырған, әдемі, әсем қыз. Түрі — Назгүл. Қысқарған түрі — Назым.
ГҮЛНАР – иран тілінен алынған гүл + нар, анар өсімдігінің гүлі, қызыл, қырмызы гүл.
ГҮЛНАФИСА – иран және араб тілдерінен алынған — гүлдей көркем, ажарлы, нұрлы.
ГҮЛНИСА – араб тілінен алынған ниса — әйел қауымы, қыздар, яғни қыз, әйел біткеннің сұлуы, әдемісі.
ГҮЛНҮР – иран және араб тілдерінен алынған нұр — жарық, сәуле. Гүлдей сұлу, көркем әдемі, гүлдей көркем.
ГҮЛСАНАТ – иран және араб тілдерінен алынған санат, санам – әдемі, сұлу, яғни гүлдей әдемі сұлу, көркем.
ГҮЛСАРА – иран және араб тілдерінен – гүлдердің ең таңдаулысы, әдемісі яғни таза гүл, асыл гүл. Өзгерген түрі — Күлсара.
ГҮЛСИПАТ – иран және араб тілдерінен – гүлдей әдемі, көркем, сұлу.
ГҮЛШАР – иран тілінен алынған шар + араб тілінен алынған шарх – шығыс, яғни Шығыс гүлі деп қойылған есім. Өзгерген түрі — Күлшар.
ГҮЛШАРА – иран тілінен алынған шара – бет, жүз, шырай, ең, түс, келбет, яғни сұлу келбетті, шырайлы. Өзгерген түрі — Күлшара.
ГҮЛШАРУАН – гүл + шаруан, шахрбану — қаланын сұлу бикеші.
ГҮЛШАТ – иран тілінен алынған – шаттық, қуаныш гүлі.
ГҮЛШАШ – (қараңыз: Сұлушаш).
Қыз есімдерін қарау
© Дереккөзі
