Өлең
Медалист мысықай
жарияланды:
Медалист мысықай
Оныншыны шамасы
Бітіреді Мысықай.
Қылығына қарашы,
Мысықтың тым пысығы-ай:
Мектептің бар басшысын
Жаны қалмай шақырып,
Қойып тұщы-ащысын,
Қонақ қылды қатырып.
Содан кейін баласы
Тынысың бір кең алды.
«Бес» боп барлық бағасы,
Алып шықты медальді.
Сол Мысықай, бірақ та,
Экзаменде құлап қап,
Институттан жырақ қап,
Қалдырды үлкен ұятқа.
