Aruushkaa03
Қазақстан-мақтанышым
Қазағымның шырқалды асқақ әні,
Елбасы өзі ұсынды бастаманы.
Төрткүл әлем таныды міне бүгін,
Бәйтерегі жақұт – Нұр-Сұлтанды!
Жыл парағын алтын нұр жаңалады,
Руханият жаңғырды санадағы.
Жасыл нұрға бөленген бас қаланы,
Әлем халқы жоғары бағалады.
Жаңа жоба, тың ойлар самғауына,
Қуат берген қанатың талмауына.
Жас болса да Елордам бас боп отыр,
Шырақ жағып талайдың арманына.
Құрлық асып тоғысқан асқақ арман,
Қуатты ойлар гүл жарды Нұр-Сұлтаннан.
Жаңалыққа көз тікті байтақ әлем,
Ұлы дала төсінен бастау алған.
Шамы маздап елімде жаңалықтың,
Талай сыры ашылды даналықтың.
Әлемнің көрмесінде паш етілді,
Зерделенген жобасы сан алыптың.
Таңғажайып туынды, озатты ой,
Төрінен Сарыарқаның саз апты ғой.
Мәртебесін көтерді қазағымның,
Ашық аспан, асқақ ел, азаттық ой!
Бақыт құсы қонды анық Елордаға,
Жаңалыққа үн қосты жаһан, дала.
Есілдің толқындары өлең айтты,
Әуеніне құлақ түр аялда да!
Болашаққа бастаған ақ таң үшін,
Ел сенімін мәңгілік ақтау үшін
Ұлы жолға елімді бастау үшін.
Самғай бер Қазақстан–мақтанышым!
